عارفين يعني ايه يسوع ؟
يعني في الظلام شموع
يعني حب ملوش نهاية
يبقى في الاحزان معايا
يشيل دموع
يعني بالصليب فداني
حتى للفردوس دعاني
يعني ليا خير ورحمة
يتبعاني
يعني ناقشني في ايده
يعني خلاني حبيبه
يعني يوم ما ابعد واسيبه
يستناني
يعني اب اتبناني
يعني بالحب اشتراني
يعني فوق عود الصليب
مات مكاني
يعني يضمن لي حياتي
احكي واشكيله اهاتي
يعني مني يكون قريب
طول ساعاتي
فرحة القاها معاه
ومش ناسيني يوم ماانساه
يعني يحفظني فـ طريقي
يبقي ملجأي ورفيقي
يوم ما يلقاني لوحدي
يكون صديقي
يعني عين سهرانة ليا
ييجي يتطمن عليا
يوم ما اضيع وسط الحياه
يمسك ايديا
يعني في الضيقة معايا
يبقى قدامي وورايا
عمره ما يتخلى عني
يوم بكايا
يعني ويايا يشيل
حتى لو حملي تقيل
ايده تتدخل بسرعة
يبقى فجر بعد ليل
يعني بيه تكون سعادتي
كل يوم يرفع في قيمتي
يعني عني مايتخلاش
يعني بيه قلبي عاش
يعني اسمي جوة قلبه
ماتنساش
يعني نصر بدون رجوع
وعالظلام اكون مرفوع
يعني اسجدله بخضوع
في الالام يكون معين
وفي الوعود دايماً امين
ويبقى شبعي بعد جوع
هو ده ربي يسوع
♱♱♱ بقلم : وائل ميخائيل ♱♱♱
للمزيد من القصائد