بصيت لصليبك وبكيت
وسكت ومش قادر اتكلم
وفي لحظة صرخت وناديت
ازي مكاني بتتألم
وسمعت صوتك بينادي
يابني حبيتك من قلبي
وقولت اتبرع بالآمي
علشان تكون قريب مني
طلب ليه بتموت وانا الخاطي
ومكاني كان على صليبك
وليه بتدافع لحياتي
وكمان بتقول اني حبيبك
فجأة الصوت اتكرر تاني
قال انا عايزك تبقى معايا
حتى ان كنت انت الجاني
انا مسامحك من جوايا
وفضلت ابكي وانا بتكلم
والدمعة بتجري من عيني
ايه ثمني علشان تتألم
وعشاني جاي وبتفديني
خلاص مش راجع من تاني
لطريق ابليس والعبودية
وهدوس ع العالم الفاني
وهفك القيد من رجليَّ
وبدايتي معاك من دلوقتي
مانا لازم يا يسوع ارضيك
وهتملك ايامي ووقتي
اصل انا بقيت ملكاً ليك
تأليف : وائل ميخائيل