انا الشهيد اللي نطقت بكلمتي
ودا الثمن وبيه شريت حريتي
ولا يوم غدرت وبعت بلدي يا زمن
موتي عشان وطني هوَ ارخص ثمن
عايزك يادنيا للتاريخ تثبتي
ضحيت لبلدي بالحياة وبدنيتي
ودمي عشانك مش خسارة يا وطن
اشهد وقول للتاريخ اني الاصيل
ولا يوم غدرت ولا قبلت اكون عميل
حبيت ترابها ونيلها احلى من الحلاوة
واسم بلدي كل يوم بيزيد غلاوة
انا اللي فيا حب بلدي ملوش مثيل
اشهد وقولها للجميع في كل جيل
وماعاش يا بلدي اللي يعاملك بالقساوة
دا انتي اللي علمتي الدول معني الحضارة
وانتي اللي ببناية الهرم نولتي الصدارة
مين دا اللي يقدر ييجي يوم ويجيب في سيرتك
دانتي البطل كل التاريخ يشهد بقيمتك
لو كل يوم اموت عشانك مش خسارة
اصلك في قلبك يا وطن فوزت بجدارة
وفي قلبي اسمك يا بلد وعليه رسمتك
++++ بقلم : وائل ميخائيل ++++