يا سرقناوي مالك
ايه اللي غير حالك
بتروح بلاد الغربة
وتسيب في البيت عيالك
لا حسوا فيك بالقربة
ودايما مشغول بمالك
انا مش بلوم عليك
دا حالي نفس حاك
بنغيب سنين وسنين.
ودايما متغربين
وبنيجي نلاقي اولادنا
مش عارفين نبقى مين
ضاعت سنين حياتنا
واحنا متفرقين
ويعدي اليوم علينا
وكأنه فات سنين
اوقات كتير نحتار
وبنستني الاخبار
وايام بتعدي علينا
واحنا عايشين في نار
ياترى مرتاحين
ولا دي فيه اسرار
والدنيا تلف بينا
وتعزبنا الافكار
ياريت نهتم بيهم
وما نتأخرش عليهم
مش نبقى معاهم فترة
ونمشي ونهمل فيهم
دي مراتك والعيال
حرام تعمل ناسيهم
دا كل كنوز الكون
ابداً ما هاتساويهم
بقلم : وائل ميخائيل